"Манчестер Юнайтед"нинг икки футболчиси фаолиятини Италия чемпионатида давом эттириши мумкин.
Inter Live нашри хабарига кўра, ҳимоячи Виктор Линделёф ва ҳужумчи Антони Марсьяль Миланнинг "Интер" клуби сафига қўшилиши мумкин.
“Қизил иблислар” ушбу трансферларни амалга оширишга тайёр. "МЮ" ушбу трансферлар орқали жами 35 миллион евро олмоқчи. Агар томонлар рози бўлса, келишув ёзги трансфер ойнасида амалга ошиши мумкин.
Линделёф жорий мавсум Англия Премьер-лигасида 11 та ўйинда майдонга тушди. Марсьяль ҳам 11 та ўйин ўтказди.
