Каталониянинг “Барселона” клуби ёзда ҳеч қандай шароитда жамоани тарк этмайдиган футболчилар рўйхатини аниқлади. Раҳбарият ушбу рўйхатга ярим ҳимоячилар Френки де Йонг, Гави, Педри ва ҳимоячи Рональд Араухони киритди. Бу ҳақда Sport нашри хабар бермоқда.
Манбага кўра, қолган барча футболчиларга келаси мавсум учун "Барселона"дан жой кафолатланмаган. Жамоа молиявий муаммоларни ҳал қилишда ёрдам бериш учун мажбурий сотишга муҳтож бўлиши мумкин.
Эслатиб ўтамиз, "Барселона" ўтган ёзда де Йонгни сотмоқчи эди, бироқ ярим ҳимоячи 90 миллион евро эвазига "Манчестер Юнайтед" ва "Челси"га кетишдан бутунлай бош тортган эди.
