"Челси" ярим ҳимоячиси Матео Ковачич Грем Поттернинг Лондон клуби бош мураббийлигидан четлатилганига изоҳ берди.
“Ўзингизга нисбатан ҳалол бўлишингиз керак. Ахир мураббийни ишдан бўшатиш 30 нафар футболчидан кўра осонроқ. Масъулият ҳам ўзимизда, биз яхшироқ ишлашимиз керак.
Биз Лемпардни биламиз, у бизнинг мураббийимиз эди. У қайтиб келди - яхши хабар. У мавсумимизни ўзгартиришга ҳаракат қилади.
Биз қисқа учрашув ўтказдик. У биздан нимани кутаётганини тушунтирди. Олдинда "Реал Мадрид" билан иккита ажойиб ўйин кутиб турибди, шунинг учун мавсумни яхши якунлаш имконияти ҳали ҳам мавжуд, биз ундан фойдаланишимиз керак", - дея Ковачич сўзларини келтиради Daily Mail.
