Мусобақа жадвалида пешқадамларидан бири бўлган Зарафшоннинг “Қизилқум” жамоасида меҳмон бўлган "Насаф" ёшлари сафарда муҳим уч очкони қўлга киритишди.

Учрашувнинг 10-дақиқадаёқ Фарруҳ Сайфиев ўзининг кучли ва аниқ зарбаси билан чамаси 22 метрлар масофадан ҳисобни очишга эришди. Бўлим ўрталарида Азизбек Маликов орадаги фарқни иккитага ошириш мумкин эди. Аммо унинг уч ҳимоячи орасидан йўллаган зарбаси бироз ноаниқ чиқди. Иккинчи бўлимда ҳам Рўзиқул Бердиев шогирдлари рақибдан ҳар тарафлама устунликларин намойиш этишди. 61-дақиқага келиб ёшларимизнинг сурхондарёлик ҳужумчиси Санжар Баратов жарима майдончаси ичида рақиб ҳимоячиларининг хатосидан кейин орадаги фарқни иккитага оширди ва ўйин якуний ҳисобни ўрнатди -0:2.

Ёшлар лигаси, 20-тур

“Қизилқум”- “Насаф” — 0:2

“Қизилқум”: Артём Макосин, Алижон Расулов (Нуриддин Раҳматуллаев, 68), Жасурбек Мейлиев, Файзулло Қамбаров (Умиджон Каримов, 72), Акмал Рустамов, Бакир Аниканбаев (Адиз Расулов, 70), Азамат Бобожонов (Азизжон Абдуллаев, 63), Сарвар Холматов (Зайниддин Комилов, 66), Фарҳод Нишонов, Игорь Рогованов, Баҳодир Қосимов.

“Насаф”: Алибек Туробов, Мирзамурод Жўрабоев,  Одил Ҳамробеков, Нодир Санақулов (Феруз Фахриддинов, 85), Азизбек Маликов (Аслиддин Лутфуллаев, 77), Санжар Баратов (Дониёр Нарзуллаев, 70), Фарруҳ Сайфиев (Шоҳруҳ Қурбонов, 87), Миржалол Мўминов, Улуғбек Дадабоев, Нажмиддин Номуродов (Умид Зуфаров, 79), Тоҳир Абдураззоқов.  

Голлар:Ф.Сайфиев 10, Санжар Баратов, 61.

Огоҳлантириш: Ф.Нишонов (35), Б.Қосимов (62).

Ҳакамлар: Игорь Гормашов, Евгений ЗАкутилин, Артур Ишбутаев, Сергей Ивлев.

Назоратчи: И.Мустафин.

Зарафшон. “Прогресс” стадиони.