«Милан»да тўп сураётган бразилиялик ҳужумчи айни пайтда «Сантос» таркибида ҳаракат қилаётган ўз ватандоши Неймарга бир қанча маслаҳат берди. Робиньонинг айтишича, Неймар агар дунёнинг энг зўр футболчиси бўлишни истаса, каталониялик гигантлар таркибига қўшишилиши керак экан.

«Бразилия чемпионатида ўйнаб, дунёнинг энг кучли футболчиси бўлиш Неймарга жуда қийин бўлади. Шунинг учун у Ла Лигага кўчиб ўтиши керак. Агар у  «Сантос»ни тарк этишга қарор қилса, «Реал Мадрид» ёки «Барселона»дан бирини танлаши лозим. Мен унга «Барса» сафига ўтишни маслаҳат берган бўлардим. «Барселона» ажойиб жамоа, бразилияликлар аксарият ҳолларда бу ерда ўзларининг юлдузли онларини ўтказганлар», дея Lancenet нашри Робиньонинг сўзларидан иқтибос келтириб ўтди.