Жорий мавсумда Қозоғистон чемпионатида иштирок этаётган "Ҳумо" хоккей клуби финалдаги тўртинчи учрашувини ўтказди.

Жамоамиз бугун ҳам Астанада Қозоғистоннинг "Номад" клубига баҳс олиб борди. Бугунги учрашув ҳам тенгкурашлар остида кечди. Мезбонлар ўз имкониятларидан унумли фойдаланишган бўлса, тошкентликлар бу сафар рақиб дарвозасига йўл топа олишмади. Ваҳоланки, "Ҳумо" мавсум бошидан буён 56та учрашувдан буён албатта гол уриб келаётганди. Астаналиклар эса иккинчи ва учинчи бўлимларда биттадан гол уришга муваффақ бўлишди.

"Номад" даровзабони Шутов кўплаб зарбаларни қайтарди. Айниқса, учинчи бўлим сўнгида мезбонлар хоккейчиси майдондан четлатилгач, Папихин дарвозабон ўрнига еттинчи ўйинчи тушириб, рақибга нисбатан икки киши кўп бўлиб ўйнай бошладик. Аммо "Номад" дарвозасини ишғол қилиш насиб этмади.

Шу тариқа, "Номад" финалдаги серияда 3:1 ҳисобида олдинга ўтиб олди. Жамоалар ўртасидаги бешинчи ўйин 12 апрель куни Тошкентда ўтказилади. Унда "Ҳумо" ғалаба қозонса, кейин учрашув яна 4 кундан сўнг Астанада бўлиб ўтади.

Хоккей. Қозоғистон чемпионати. Финал, 4-ўйин
«Номад» (Астана) - «Ҳумо» (Тошкент) - 2:0 (0:0, 1:0, 1:0).
Голлар:
35.35. 1:0 — Александров (Недилько, Раҳмонов),
51.20. 2:0 — Рунов (Муҳаметов, Данияр)