Joriy mavsumda Qozog‘iston chempionatida ishtirok etayotgan "Humo" xokkey klubi finaldagi to‘rtinchi uchrashuvini o‘tkazdi.

Jamoamiz bugun ham Astanada Qozog‘istonning "Nomad" klubiga bahs olib bordi. Bugungi uchrashuv ham tengkurashlar ostida kechdi. Mezbonlar o‘z imkoniyatlaridan unumli foydalanishgan bo‘lsa, toshkentliklar bu safar raqib darvozasiga yo‘l topa olishmadi. Vaholanki, "Humo" mavsum boshidan buyon 56ta uchrashuvdan buyon albatta gol urib kelayotgandi. Astanaliklar esa ikkinchi va uchinchi bo‘limlarda bittadan gol urishga muvaffaq bo‘lishdi.

"Nomad" darovzaboni Shutov ko‘plab zarbalarni qaytardi. Ayniqsa, uchinchi bo‘lim so‘ngida mezbonlar xokkeychisi maydondan chetlatilgach, Papixin darvozabon o‘rniga yettinchi o‘yinchi tushirib, raqibga nisbatan ikki kishi ko‘p bo‘lib o‘ynay boshladik. Ammo "Nomad" darvozasini ishg‘ol qilish nasib etmadi.

Shu tariqa, "Nomad" finaldagi seriyada 3:1 hisobida oldinga o‘tib oldi. Jamoalar o‘rtasidagi beshinchi o‘yin 12 aprel kuni Toshkentda o‘tkaziladi. Unda "Humo" g‘alaba qozonsa, keyin uchrashuv yana 4 kundan so‘ng Astanada bo‘lib o‘tadi.

Xokkey. Qozog‘iston chempionati. Final, 4-o‘yin
«Nomad» (Astana) - «Humo» (Toshkent) - 2:0 (0:0, 1:0, 1:0).
Gollar:
35.35. 1:0 — Aleksandrov (Nedilko, Rahmonov),
51.20. 2:0 — Runov (Muhametov, Daniyar)