«Манчестер Сити» ярим ҳимоячиси АПЛнинг 30-туридан ўрин олган «Саутгемптон»га қарши ўйиннинг 45-дақиқасида ҳужумчи Эрлинг Холандга ассистентлик қилди.

Де Брюйне Премьер-лигадаги энг тез 100 та голли узатмага эга. Унга бунинг учун 237 та ўйин керак бўлди. Илгариги рекорд Фабрегасга тегишли эди - у бунга 293 та ўйинда эришган.

Премьер-лигада 100 та голли узатмани амалга оширган 5 нафар футболчи бор: Райан Гиггз (162) пешқадамлик қилмоқда, Фабрегас (111), Уэйн Руни (103), Фрэнк Лэмпард (102) ва Де Брюйне.

Бельгиялик футболчи «шаҳарликлар» ва терма жамоа сафида сўнгги 5та ўйинда 6та голли узатмани амалга оширди ва иккита гол ҳам киритди.