«Рома» ҳужумчиси Пауло Дибала А Серия доирасида «Торино»га қарши ўйинда гол урди.
Аргентиналик футболчи саккизинчи дақиқада пенальтини аниқ амалга ошириб, учрашувда ҳисобни очди.
Opta хабарига кўра, Дйбала 2004/05 йилги мавсумдан бери «Рома»даги дебют мавсумида ўндан ортиқ гол урган ва беш мартадан ортиқ голли узатма берган иккинчи футболчи бўлди.
Илгари фақатгина «Ливерпул»нинг амалдаги юлдузи Муҳаммад Салоҳ 2015/16 йилги мавсумда буни уддалаганди.
Пауло Дибала ҳозирда римликлар сафида А Серияда 11 та гол ва 6 та голли узатмага эга.
