Аймерик Лапортнинг ўйин вақти кам, шунинг учун у ёзги трансфер ойнасида «Манчестер Сити»ни тарк этиши мумкин.
Шу фонда инглиз гранди бор эътиборини «Интер» ҳимоячиси Алессандро Бастонига қаратди. Бу ҳақда CalcioMercato хабар берди.
«Шаҳарликлар» лагерида Бастони Лапортнинг ўрнига идеал ўринбосар деб ҳисобланмоқда.
23 ёшли Алессандро Бастони нуфузли transfermarkt портали экспертлари томонидан 55 миллион еврога баҳоланган.
Агар марказий ҳимоячиларни оладиган бўлсак, дунёда бор-йўғи 11 нафар футболчи ундан юқорироқ суммага баҳоланади.
Айтиш жоизки, Бастони бутун фаолиятини Италияда ўтказди. Унинг «Интер» билан амалдаги шартномаси 2024 йилнинг ўрталарига қадар мўлжалланган.
