Мадриднинг “Реал” клуби ярим ҳимоячиси Федерико Вальверде Испания чемпионатининг 28-туридан ўрин олган “Вильярреал”га қарши ўйиндан сўнг рақиб жамоа ярим ҳимоячиси Алекс Баэнага зарба берди, деб хабар берди Marca.
Манбанинг хабарига кўра, Вальверде Баэнани меҳмон жамоалар автобуслари тўхтаб турган жойда кутиб турган. “Реал Мадрид” футболчиси испанияликнинг юзига зарба берган.
“Реал”га қарши учрашувдан сўнг ўз ғалабасини нишонлаётган “Вильярреал” футболчилар ушбу воқеадан сўнг шокка тушиб қолган.