Дортмунднинг «Боруссия» клуби бош мураббийи Эдин Терзич Германия чемпионати доирасидаги «Берлин Унион» устидан қозонилган ғалаба (2:1) ҳақида гапирди.

«Боруссия» биз учун жуда муҳим ўйинда қийин ва ҳақли ғалабага эришди. Жамоа биринчи бўлимда ҳам ҳужумда, ҳам ҳимояда яхши футбол кўрсатди. Футболчилар тўпсиз ҳам жуда фаол ҳаракат қилишди.

Танаффусдан кейин ҳам худди шундай ўйнай олмаганимиз ачинарли. «Унион» билан ҳар доим қийин ўйинлар бўлади, шунинг учун биз ғалабадан хурсандмиз», - дея мутахассиснинг сўзларини келтиради клуб матбуот хизмати.

Бундеслиганинг 27-тури натижаларига кўра, «Боруссия» 56 очко жамғариб, турнир жадвалида иккинчи ўринда бормоқда. «Бавария» 2 очко билан кўп тўплаб, пешқадамлик қилмоқда.