Бразилиялик ярим ҳимоячи Рафинья Диас "Барселона"ни тарк этмайди. Инсайдер Хави Мигелнинг ижтимоий тармоқлар орқали хабар беришича, раҳбарият ёзги трансфер ойнасида футболчи бўйича таклифларни кўриб чиқмайди.
Аввалроқ ОАВда Рафинья 2022/2023 йилги мавсум якунида жамоани тарк этиши мумкин бўлган футболчилар рўйхатидан жой олгани ҳақида хабар берилганди.
26 ёшли бразилиялик Каталония гранди сафига 2022 йилнинг ёзида келиб қўшилганди. У "Лидс"дан 58 миллион еврога сотиб олинганди. Рафиньянинг "Барселона" билан шартномаси 2027 йилнинг июн ойи охиригача амал қилади.
Ярим ҳимоячи жорий мавсумда 25 та ўйинда майдонга тушиб, 6 та гол урди ва 4 та голли узатмани амалга оширди.
