Германия чемпионатининг жорий мавсумидаги сенсация "Унион Берлин" рақобатчиларига қарши ўйинларда унчалик муваффақиятли эмас. Клуб аввал "Бавария"га ютқазган бўлса, эндиликда Бундеслиганинг йигирма еттинчи туридаги ўйинда "Борусссия"га мағлуб бўлди. Айни клуб устози Урс Фишернинг фикрича, унинг жамоаси ғалабага ҳам лойиқ эди.
"Ҳозир кайфиятим яхши эмас. Бундай мағлубиятга учраганимиз уят. Характеримизни кўрсатдик, ҳисобни тенглаштирдик, ҳатто ғалаба қозониш имкониятига ҳам эга бўлдик", - деб мураббийнинг сўзларини келтиради Kicker.
Кейинги турда "Унион Берлин" ўз майдонида "Бохум"ни қабул қилади.
