Матбуотда яқин орада ҳимоячи Маркиньос "ПСЖ" билан янги шартнома имзолаши ҳақида хабарлар тарқалган эди. Бразилиялик футболчининг янги меҳнат шартномаси 2026/2027 йилги мавсум охиригача ҳисоблаб чиқилиши хабар қилинганди. Бу ҳақда Маркиньоснинг ўзи изоҳ берди.
“Умид қиламанки, бу тез орада амалга ошади. Мен бунга аминман. Биз якуний босқичдамиз", - деди Маркиньос.
Маркиньос 2013 йилнинг ёзидан буён "ПСЖ"да ўйнайди. 28 ёшли ҳимоячи ҳисобига клуб сафида 400 та ўйин ўтказиб, 38 та гол урган ва 9 та голга ассистентлик қилган.
