«Бавария» бу ҳафта икки марта «Фрайбург» билан тўқнаш келди. Германия кубогида мюнхенликлар ўз майдонида мағлуб бўлишди (1:2), Бундеслигада эса меҳмонда ғалаба қозонишди (1:0).
Ўйиндан сўнг «Бавария» футболчиси Жошуа Киммих ғалабани «Фрайбург» мухлислари билан шоҳсупа ёнида нишонлашга қарор қилди. Кейинроқ футболчи узр сўради ва ўзини реваншизм руҳи ўраб олганини тан олди.
«Кўп ҳис-туйғуларга берилиб кетдим, биз кубокдан чиқиб кетиш орқали кўп нарсани йўқотдик. Ўзимни анча эркин тутиб юбордим. Сиз ўзингизни бундай тута олмайсиз, бу спортга хос эмас эди», деди Киммих.
«Бавария» навбатдаги ўйинини 11 апрель, сешанба куни Чемпионлар лигаси чорак финалида «Манчестер Сити»га қарши ўтказади.
