22 сентябрь - 6 октябрь кунлари Эрон мамлакатида бўлиб ўтадиган 16 ёшгача бўлган ўсмирлар ўрастидаги Осиё чемпионатида иштирок этадиган Ўзбекистон ўсмирлар терма жамоаси бугун эрта тонгда Эрон пойтахти Теҳрон шаҳрига учиб кетишди.

Дилшол Нуралиев бочшилигидаги 16 ёшгача бўлган ўсмирлар терма жамоамиз қитъа чемпионатида ўзининг илк ўйинини 23 сентябрь куни Ҳиндистон терма жамоасига қарши ўтказади.

Эслатиб ўтамиз, Ўзбекистон ўсмирлар терма жамоаси Ҳиндистон, Сурия ҳамда Хитой терма жамоалари билан биргаликда мусобақанинг D гуруҳида иштирок этади. Ўсмирлар терма жамоамиз дастлаб, 23 сентябрь куни Ҳиндистон терма жамоасига қарши баҳсга олиб боришса, 2-турда Хитой терма жамоасига қарши баҳсда майдонга тушадилар. Ниҳоят гуруҳ баҳсларининг сўнгги турида Сурия терма жамоси ўсмирларимизга рақиб бўлади. Ушбу учрашув 27 сентябрь куни бўлиб ўтади.

Ушбу қитъа чемпионатида муваафақитли иштирок этган ва якунда кучи тўртликка кирган терма жамоа, келаси йили БААда бўлиб ўтадиган ўсмирлар ўртасидаги жаҳон чемпионатида қатнашиш ҳуқуқини қўлга киритади. Дилшод Нуралиев бошчилигидаги терма жамоа олдига ҳам Эронда бўлиб ўтадиган Осиё чемпионатида муваффақияти иштирок этиш ва 2013 йил БААда бўлиб ўтадиган жаҳон чемпионати йўлланмасини қўлга киритиш вазифаси қўйилган.