Америкалик мутахассис Жесси Марш "Лестер"ни бошқармайди, дея хабар беради журналист Николо Скира.
Манбага кўра, клуб ва 49 ёшли америкалик ўртасидаги келишув амалга ошмай қолган. Марш жума куни имзолашга тайёр эди, бироқ томонлар шартнома муддати бўйича келишувга эриша олишмади.
Маршнинг сўнгги иш жойи мутахассис шу йилнинг февраль ойида тарк этган “Лидс” бўлган. У аввалроқ “Лейпциг” ва “Зальцбург”ни бошқарган.
2 апрель куни “Лестер” Брендан Рожерсни клуб бош мураббийлигидан бўшатилганини эълон қилди.
