Франкфуртнинг «Айнтрахт» клуби ҳимоячиси Эван Н'Дика «Туманли Альбион»га ўтиши мумкин. Goal.com хабарига кўра, 23 ёшли франциялик футболчига «Манчестер Сити» клуби қизиқиш билдирмоқда.
Англия топ-клуби вакиллари футболчининг келажакдаги режаларини билиш мақсадида унинг атрофидагилар билан боғланди.
«Шаҳарликлар» Эванни жорий мавсум охирида клубни тарк этиши мумкин бўлган Эймерик Лапортнинг ўрнига ўринбосар сифатида кўрмоқда.
Н'Дикининг Франкфурт клуби билан шартномаси 2023 йилнинг июнь ойи охирида тугайди. Унинг трансфер нархи 32 миллион евро.
Ҳимоячи жорий мавсумда Бундеслигада 26 та ўйинда майдонга тушиб, 1 та гол урди.
