Ҳуқуқлари “Краснодар”га тегишли бўлган ярим ҳимоячи Эдуард Сперцян фаолиятини Европада давом эттириши мумкин. 22 ёшли футболчига Германия Бундеслигасининг бир қанча клублари қизиқиш билдирмоқда.
Metaratings.ru нашри хабарига кўра, Сперцянни “Боруссия” (М), “Байер” ва “Фрайбург” клублари ўз сафига қўшиб олмоқчи. Шунингдек, Эдуардга А Сериядан қизиқишлар бор. Ярим ҳимоячининг хизматларига Миланнинг “Интер” клуби қизиқмоқда.
Футболчининг ўзи ҳам келаси ёзда Европанинг топ-5 чемпионатларидаги клублардан бирига ўтишга қарор қилган.
Россия Премьер-лигасининг жорий мавсумида Сперцян 21 та ўйин ўтказди. Ярим ҳимоячи 9 та гол (3 таси пенальтидан) ва 8 та голли узатмани амалга оширди.
