Агар "Барселона" клуби "Реал Сосьедад" ярим ҳимоячиси Мартин Субимендини қўлга кирита олмаса, "Фиорентина" ярим ҳимоячиси Софьян Амрабат "Барселона" учун устувор вариант бўлиши мумкин.

Relevo нашри хабарига кўра, Субимендининг трансфер нархи қиммат бўлгани учун "Барселона" раҳбарияти ўз эътиборини "кўк-анорранглилар" сафида ўйнашни орзу қилган Амрабатга алмаштириш ҳақида жиддий ўйламоқда.

Ёзда Амрабатга даъвогарлар кўп бўлади, жумладан, Англия Премьер-лигаси клублари. Марокашлик футболчи Қатардаги жаҳон чемпионатининг асосий кашфиётларидан бирига айланди ва у ўз жамоасига ярим финалга чиқишга ёрдам берди.