"Реал" марказий ҳимоячиси Антонио Рюдигер жамоасининг Испания кубоги финалига чиққани ҳақида фикр билдирди. Эслатиб ўтамиз, ярим финалда Карло Анчелотти "Барселона"ни мағлубиятга учратди.
"Камп Ноуда қилган камбэкимиз ажойиб бўлди. Тони Кроос учун жуда хурсандман. У менга доимий равишда "Реал"да ўтган деярли 10 йил давомида ҳеч қачон Испания кубогини юта олмаганини айтди", - деди Рюдигер Marca билан суҳбатда.
Финалда Мадриднинг “Реал” клуби “Осасуна” билан тўқнаш келади. "Реал" бу совринни сўнгги бор 2013/14 йилги мавсумда қўлга киритган, шундан сўнг Тони Кроос жамоага келиб қўшилганди.
