"Челси" сардори Сесар Аспиликуэта Луис Энрикенинг жамоага бош мураббий этиб тайинланишига қарши эмаслигига шама қилди. Эслатиб ўтамиз, ҳимоячи Испания терма жамоасида ушбу мураббий қўл остида ўйнаган.
“Испания терма жамоасида Луис Энрике бошчилигида энг яхши ўйинларимни ўтказдим. Мутахассислар янги мураббий тайинлаш ва музокаралар олиб боришмоқда. Биз уларнинг танловига ишонамиз ва улар клуб учун энг яхши вариантни топишга ҳаракат қилишларини тушунамиз", - дея Аспиликуэта сўзларидан иқтибос келтиради Absolute Chelsea.
"Челси" яқинда Фрэнк Лэмпардни вақтинчалик бош мураббий этиб тайинлади. Доимий мураббий роли учун иккита асосий даъвогар - Луис Энрике ва Юлиан Нагельсманн.
