"Chelsi" sardori Sesar Aspilikueta Luis Enrikening jamoaga bosh murabbiy etib tayinlanishiga qarshi emasligiga shama qildi. Eslatib o‘tamiz, himoyachi Ispaniya terma jamoasida ushbu murabbiy qo‘l ostida o‘ynagan.
“Ispaniya terma jamoasida Luis Enrike boshchiligida eng yaxshi o‘yinlarimni o‘tkazdim. Mutaxassislar yangi murabbiy tayinlash va muzokaralar olib borishmoqda. Biz ularning tanloviga ishonamiz va ular klub uchun eng yaxshi variantni topishga harakat qilishlarini tushunamiz", - deya Aspilikueta so‘zlaridan iqtibos keltiradi Absolute Chelsea.
"Chelsi" yaqinda Frenk Lempardni vaqtinchalik bosh murabbiy etib tayinladi. Doimiy murabbiy roli uchun ikkita asosiy da’vogar - Luis Enrike va Yulian Nagelsmann.
