Fransiya terma jamoasining sobiq hujumchisi Tyerri Anri 2026 yilgi jahon chempionati guruh bosqichi 1-turidan o‘rin olgan Portugaliya — Kongo DR (1:1) uchrashuvida portugaliyalik yulduz hujumchi Krishtianu Ronalduning harakatlarini tanqid qildi. Anri hujumchiga jamoa manfaatlari shaxsiy harakatlardan ustun turishini eslatib o‘tdi.

«Eng muhimi — shuni tushunish kerak. Uyidan turib o‘yinlarni tomosha qilayotgan muxlislar! Gol jamoa foydasi uchun urilmog‘i lozim, shaxsiy statistika uchun emas. Tushuntiraman. Krishtianu bunday vaziyatlarga bir necha bor tushgan. Agar u darvoza tomon tezlik bilan ochilganida, himoyachi tanlov qilishga majbur bo‘lardi. Ammo Ronalduning o‘zi gol urish istagi tufayli u Brunu Fernandeshning harakat yo‘lini to‘sib qo‘ydi va darvozabon maydoniga yorib kirmadi.

Bunday holatda himoyachiga himoyalanish osonroq bo‘ladi, chunki unga ikki o‘yinchi o‘rtasida tanlov qilishga to‘g‘ri kelmaydi. Gol jamoa uchun urilmog‘i kerak, faqat sen uchun emas. Brununing bu holatga qanday munosabat bildirganini o‘zingiz ham ko‘rdingiz», — dedi Anri Fox Sports efirida.

Bu fikrlarga Portugaliya terma jamoasi o‘yinidagi bir epizod sabab bo‘ldi. Unda jamoa sardori Ronaldu qulay vaziyatda turgan holda Kongo DR darvozasiga zarba berishni ma’qul ko‘rdi, ammo nishonni aniqlay olmadi. Anrining fikricha, mazkur vaziyatda Ronaldu to‘pni yarim himoyachi Brunu Fernandeshga o‘tkazib yuborishi kerak edi.