Мадриднинг “Реал” клуби “Вильярреал” футболчиси Самуэль Чуквуезега кўз тикди.
23 ёшли вингер яқинда Ла Лига доирасида "қаймоқранглилар"га қарши "Сантьяго Бернабеу"да "сариқ сувости кемаси"нинг ғалабаси (3:2) билан якунланган ўйинда дубль қайд этди. Marca хабарига кўра, ўша куни Флорентино Перес "Вильярреал" президенти билан футболчининг эҳтимолий трансферини муҳокама қилган. Нигерияликнинг амалдаги шартномаси 2024 йилгача мўлжалланган.
Самуел Чуквуэзе жорий мавсумда 40 та ўйинда майдонга тушиб, 13 та гол урди ва 11 та голли узатмани амалга оширди. Transfermarkt портали унинг нархини 20 миллион еврога баҳоламоқда.