Вингер Марко Асенсио "Реал" билан янги шартнома имзолашга яқин турибди. The Athletic журналистларининг ёзишича, томонлар келишувга эришган ва ҳозир келишув тафсилотлари бўйича келишиб олишмоқда.
Манбага кўра, Асенсио ва "қироллик" клуби ўртасидаги янги шартнома 2027 ёки 2028 йилгача амал қилади.
"Қаймоқранглилар" ва 27 ёшли футболчи ўртасидаги амалдаги шартнома муддати шу йилнинг июн ойи охиригача ҳисобланган. Марко Мадридда 2015 йилдан бери ўйнаб келмоқда.
Асенсио жорий мавсум Ла Лигада 22 та ўйинда майдонга тушиб, 6 та гол ва 4 та голли узатмани амалга оширди.
