Vinger Marko Asensio "Real" bilan yangi shartnoma imzolashga yaqin turibdi. The Athletic jurnalistlarining yozishicha, tomonlar kelishuvga erishgan va hozir kelishuv tafsilotlari bo‘yicha kelishib olishmoqda.
Manbaga ko‘ra, Asensio va "qirollik" klubi o‘rtasidagi yangi shartnoma 2027 yoki 2028 yilgacha amal qiladi.
"Qaymoqranglilar" va 27 yoshli futbolchi o‘rtasidagi amaldagi shartnoma muddati shu yilning iyun oyi oxirigacha hisoblangan. Marko Madridda 2015 yildan beri o‘ynab kelmoqda.
Asensio joriy mavsum La Ligada 22 ta o‘yinda maydonga tushib, 6 ta gol va 4 ta golli uzatmani amalga oshirdi.