"Реал" қанот ҳужумчиси Марко Асенсионинг агенти Жорже Мендеш мижозини "қироллик клуби" билан шартномани узайтирмасликка чақирди.
Агент "Реал"дан таклифни эшитиб, Асенсиони шартномани узайтиришдан қайтармоқчи бўлди. "Қаймоқранглилар" Маркога ҳозирги шартлар бўйича янги шартнома таклиф қилишди: бир хил маош ва жамоадаги ҳозиргидек роль. Шу сабабли Мендеш мижозга таклифни рад этишни маслаҳат берди.
Бироқ, сўнгги миш-мишларга кўра, Асенсио "Реал Мадрид"да қолишга қарор қилади ва таклиф қилинган шартларга рози бўлади. Марко Ла Лиганинг ушбу мавсумида 6 та гол ва 4 та голли узатмага эга.
