"Real" qanot hujumchisi Marko Asensioning agenti Jorje Mendesh mijozini "qirollik klubi" bilan shartnomani uzaytirmaslikka chaqirdi.

Agent "Real"dan taklifni eshitib, Asensioni shartnomani uzaytirishdan qaytarmoqchi bo‘ldi. "Qaymoqranglilar" Markoga hozirgi shartlar bo‘yicha yangi shartnoma taklif qilishdi: bir xil maosh va jamoadagi hozirgidek rol. Shu sababli Mendesh mijozga taklifni rad etishni maslahat berdi.

Biroq, so‘nggi mish-mishlarga ko‘ra, Asensio "Real Madrid"da qolishga qaror qiladi va taklif qilingan shartlarga rozi bo‘ladi. Marko La Liganing ushbu mavsumida 6 ta gol va 4 ta golli uzatmaga ega.