"Вольфсбург" ҳимоячиси Ридл Баку фаолиятини Англияда давом эттириши мумкин, деб хабар беради Bild.

Манбага кўра, 25 ёшли германиялик футболчига "Арсенал" ва "Челси" клублари қизиқиш билдирмоқда. Шунингдек, футболчини испаниялик “Вильярреал” ҳам кузатиб бораётгани қайд этилган.

Боку бу мавсумда "бўрилар" сафида 29 та ўйин ўтказиб, 5 та гол урди ва битта голли узатмани амалга оширди.

Бокунинг "Вольфсбург" билан амалдаги шартномаси 2025 йилнинг ёзига қадар тузилган. Transfermarkt портали Германия терма жамоаси футболчисини 13 миллион еврога баҳоламоқда.

Эслатиб ўтамиз, Боку “Майнц” тарбияланувчиси ҳисобланади ва 2020 йилнинг кузигача ушбу жамоада тўп сурган.