"Volfsburg" himoyachisi Ridl Baku faoliyatini Angliyada davom ettirishi mumkin, deb xabar beradi Bild.

Manbaga ko‘ra, 25 yoshli germaniyalik futbolchiga "Arsenal" va "Chelsi" klublari qiziqish bildirmoqda. Shuningdek, futbolchini ispaniyalik “Vilyarreal” ham kuzatib borayotgani qayd etilgan.

Boku bu mavsumda "bo‘rilar" safida 29 ta o‘yin o‘tkazib, 5 ta gol urdi va bitta golli uzatmani amalga oshirdi.

Bokuning "Volfsburg" bilan amaldagi shartnomasi 2025 yilning yoziga qadar tuzilgan. Transfermarkt portali Germaniya terma jamoasi futbolchisini 13 million yevroga baholamoqda.

Eslatib o‘tamiz, Boku “Mayns” tarbiyalanuvchisi hisoblanadi va 2020 yilning kuzigacha ushbu jamoada to‘p surgan.