«Наполи» бош мураббийи Лучано Спалетти Виктор Осимхеннинг йўқлиги ҳақида гапирди.
Нигериялик ҳужумчи жароҳатидан тикланишда давом этмоқда, шу сабабли у Чемпионлар Лигаси чорак финалида «Милан»га қарши бўлиб ўтадиган ўйинни ўтказиб юбориш хавфи остида. Яна бир ҳужумчи Жованни Симеоненинг ҳам соғлигида муаммолар бор.
«Жамоанинг кучи унинг турли шароитларга мослаша олиши билан ҳам белгиланади ва «Наполи» аввал ҳам исталган таркибда сифатли ўйин кўрсатиш қобилиятини кўрсатган.
Биз муҳим ўйинларда Осимхенсиз ғалаба қозондик ва умид қиламанки, ҳужумда ўйнаши керак бўлганлар ўзига ишонади», - деди Спаллетти.
