"Реал"нинг бўлажак ҳужумчиси Эндрик Винисиус Жуниорни ғазаблантирганларни аҳмоқ деб атади.
"Мен Винисиуснинг ўйинини кўришдан завқ оламан. У доим хурсанд, юзида табассум билан ўйнайди. Ҳатто ғазабланса ҳам ...
У қанчалик кўп ғазабланса, у шунчалик яхши ўйнайди. Винисиусни танқид қилаётганлар менинг назаримда аҳмоқ, чунки у фақат яхшироқ ўйнайди", - деди "Палмейрас"да ўйнаётган 16 ёшли бразилиялик футболчи TNT Sports телеканалига берган интервьюсида.
"Мен "Реал"нинг бирорта ўйинини ўтказиб юбормайман. Мен Винисиуснинг рақиблардан қочиб кетишини кузатаман. "Вильярреал"га қарши ўйинда у яна асосий роль ўйнади, аммо, афсуски, биз мағлуб бўлдик", - дея қўшимча қилди Эндрик.
2022 йил декабрь ойида Мадриднинг “Реал” клуби “Палмейрас” ҳужумчиси Эндрик трансферини эълон қилди, футболчи 2024 йилда 18 ёшга тўлганда Мадридга ўтади.
