«Интер» кўпчиликни ҳайратда қолдирди, Симоне Индзаги жамоаси Лиссабонда кучли «Бенфика»ни мағлуб этди ва шунчаки эмас, балки ишончли ўйнади ва иккита гол урди.
«Интер»нинг камерунлик дарвозабони Андре Онана бу ҳақда гапирди.
«Ғалабадан хурсандман, лекин уйда қийин бўлади, чунки «Бенфика» кучли жамоа бўлиб қолмоқда. Бизни эса «Монца» билан муҳим ўйин кутмоқда.
Йўқ, менимча, биз аллақачон ярим финалга чиққанимиз йўқ. Ҳали ҳаммаси олдинда», - деди футболчи.
Бу жамоаларнинг жавоб учрашуви бир ҳафтадан сўнг Миланда бўлиб ўтади.
