Мадриднинг “Реал” клуби ҳимоячиси Давид Алаба ЕЧЛ чорак финалида “Челси”га қарши бўлиб ўтадиган ўйин ҳақида фикр билдирди.
“Ушбу қарама-қаршиликдаги муваффақият кўплаб омилларга боғлиқ бўлади. Бу ўзгача ўйин, Чемпионлар лигаси ажойиб тарихга эга мусобақа. Биз диққатимизни жамлаганмиз ва мақсадимизга эришмоқчимиз. "Реал Мадрид" кўпинча фаворит, лекин биз бу ҳақда ўйламаймиз. Мақсадимиз ярим финалга чиқиш. Биз муваффақият қозонишга ҳаракат қилишимиз керак", - дея Алаба сўзларини келтиради УЕФА сайти.
