Лондоннинг “Арсенал” клуби айни дамда “Реймс”да ижара асосида тўп сураётган 21 ёшли ҳужумчи Фоларин Балогунни сотишга ҳозирлик кўрмоқда. Sky Sports хабарига кўра, ҳужумчи хизматларига Германиянинг "Лейпциг" клуби қизиқмоқда.
“Канонирлар” ҳужумчи учун камида 40 миллион евро тўлашса, у билан хайрлашишга тайёр. Футболчи учун курашда “буқалар”га учта клуб рақиблик қилади – “Монако”, “Интер” ва “Милан”.
Франция чемпионатининг жорий мавсумида Балогун 29 та ўйинда қатнашиб, 18 та гол (5 таси пенальтидан) ва 2 та голли узатмани амалга оширди.
