Собиқ «Челси» мураббийи Жозе Моуриньо Мадридни тарк этганидан сўнг Англияга қайтишга қарор қилганини, бошқа ҳар қандай клубнинг таклифини рад этишини маълум қилди.

«Агар Испанияда «Челси» ҳақида гапирадиган бўлсам, улар менинг сўзларимни тезда бошқача тушуниб олишади. Лекин ҳозирда миямда қандай фикр ўтаётганлигини рад эта олмайман», дея португалиялик мутахассис Sky Sports га интервью берди.

«Реал Мадрид»дан кейин Англия, бу - аниқ. Лекин ҳозир қайси клубда ишлашни хоҳлашимни сир тутаман».

Собиқ «Челси» мураббийи яна «Стэмфорд Бриж»га қайтиш ёки қайтмаслиги борасида ҳам фикр билдирди:

«Ҳар қандай танлов бўлиши мумкин. Мен «кўк»ман, «лондонлик кўк»ман, лекин шу билан бирга профессионалман».