Италиянинг «Наполи» жамоаси «Милан»дан навбатдаги мағлубият аламини тотиб кўрди ва Чемпионлар лигаси нимчорак финалининг биринчи ўйинида рақибига имкониятни бой берди.
Бу натижага қарамай, «Наполи» бош мураббийи Лучано Спалетти жамоаси яхши ўйин ўтказди, деб ҳисоблайди.
«Менга масалага бўлган муносабат ёқди, бунинг учун аллақачон жамоага миннатдорчилик билдирганман.
Улар ҳатто озчиликда қолганда ҳам охиригача ҳаракат қилди. Бизга ажойиб рақиб ва ажойиб дарвозабон Меньян кучли қаршилик кўрсатди», - дея Спалеттининг сўзларини келтиради pianetamilan.it.
Бу жамоаларнинг жавоб учрашуви бир ҳафтадан сўнг бўлиб ўтади.
