Мадриднинг “Реал” клуби ярим ҳимоячи Эдуардо Камавинга билан янги шартнома борасида музокараларни бошлади. Журналист Николо Скиранинг ижтимоий тармоқлардаги хабарига кўра, "қироллик клуби" франциялик футболчи билан шартномани 2029 йилнинг ёзига қадар узайтирмоқчи.
Эслатиб ўтамиз, Камавинга "Ренн"дан кўчиб ўтгандан кейин "Сантьяго Бернабеу"да иккинчи мавсумини ўтказмоқда. Футболчининг узоқ муддатли шартномаси бор, аммо раҳбарият уни янгиланган шартнома билан янада қулайроқ шартларда олиб қолмоқчи.
Бу мавсумда Камавинга нафақат ярим ҳимоя марказида, балки ҳимоянинг чап қанотида ҳам ўйнамоқда. Ушбу ролда франциялик футболчи кеча Чемпионлар лигасида "Челси"га қарши чорак финал учрашувида майдонга тушди.
