Madridning “Real” klubi yarim himoyachi Eduardo Kamavinga bilan yangi shartnoma borasida muzokaralarni boshladi. Jurnalist Nikolo Skiraning ijtimoiy tarmoqlardagi xabariga ko‘ra, "qirollik klubi" fransiyalik futbolchi bilan shartnomani 2029 yilning yoziga qadar uzaytirmoqchi.
Eslatib o‘tamiz, Kamavinga "Renn"dan ko‘chib o‘tgandan keyin "Santyago Bernabeu"da ikkinchi mavsumini o‘tkazmoqda. Futbolchining uzoq muddatli shartnomasi bor, ammo rahbariyat uni yangilangan shartnoma bilan yanada qulayroq shartlarda olib qolmoqchi.
Bu mavsumda Kamavinga nafaqat yarim himoya markazida, balki himoyaning chap qanotida ham o‘ynamoqda. Ushbu rolda fransiyalik futbolchi kecha Chempionlar ligasida "Chelsi"ga qarshi chorak final uchrashuvida maydonga tushdi.
