"Бавария" трансфер ойнаси очилганда ҳужумчи Садио Мане бўйича таклифларни тинглашга тайёр.
31 ёшли футболчи "Ливерпуль"дан Мюнхенга кўчиб ўтганидан бери ўзининг аввалги даражасига қайта олмаяпти. Яқинда сенегаллик форвард жамоадоши Лерой Сане билан можарога учради. Эҳтимол, можаро тез орада барҳам топади, аммо ҳужумчининг клубдаги фаолияти ёзда якунланиши мумкин. BILD хабарига кўра, "Бавария" агар мақбул таклифлар олса, футболчини сотишга тайёр. Ҳозир Мюнхен клубига Манедан кўра тоза "тўққизлик" футболчиси кўпроқ керак.
Transfermarkt Садио Манени 45 миллион еврога баҳолади. Унинг шартномаси 2025 йилгача мўлжалланган.
