"Манчестер Юнайтед" ярим ҳимоячиси Бруну Фернандеш жамоасига мунтазам равишда гол уришда ёрдам беришда давом этмоқда.
Португалиялик футболчи Марсель Забитцерга Европа лигаси чорак финалида "Севилья"га қарши давом этаётган ўйинда ассистентлик берди.
Squawka маълумотларига кўра, Фернандеш 2020 йил бошидан буён барча мусобақаларда 50 ва ундан кўп гол урган ва 50 ва ундан ортиқ голли узатмани амалга оширган Лионел Мессидан кейин Европанинг топ-5 лигасидаги иккинчи футболчидир.
Эслатиб ўтамиз, ярим ҳимоячи Лиссабоннинг "Спортинг" клубидан сотиб олинган эди. Ҳозирда у инглиз гранди таркибида 60 та гол урган ва 50 та голли узатмага эга.
