Менхенгладбахнинг "Боруссия" клуби ҳужумчиси Маркус Тюрам "Барселона" қизиқишлари доирасида қолмоқда. Эслатиб ўтамиз, ҳужумчи жорий мавсум якунида эркин агентга айланади.
Журналист Виктор Малонинг ижтимоий тармоқларда хабар беришича, “Барселона” ҳали ҳам Тюрам трансферини инкор этмаяпти. Франциялик футболчига муқобил вариант сифатида "Атлетико Паранаэнсе" ҳужумчиси Витор Роке ва ўтган мавсум “Барселона”да ўйнаган "Челси" ҳужумчиси Пьер-Эмерик Обамеянг бор.
Олдинроқ Тюрам Миланнинг "Интер" клубига ўтишдан бош тортганди. Маркус бу мавсумда Бундеслигада 13 та гол ва 4 та голли узатмани амалга оширди.
