Кеча Италия А Серияси тўртинчи тури доирасида “Кьево” дарвозасига икиита тўп йўллаган Туриннинг “Ювентус” клуби ҳужумчиси Фабио Квальярелла ушбу ҳафта у учун жуда омадли келганини айтиб ўтди.
“Ҳақиқатан ҳам бу ҳаётимдаги энг зўр ҳафталардан бири бўлди. Мухлислардан бундай гапларни эшитиш ҳам жуда ёқимли. Мен ўйинга тайёр эдим ва гол уришим керак эди. Шундай қилдим ҳам. Кейинги турда “Фиорентина”га қарши ўйинда ҳам майдонга туширилсам, мураббий кўрсатмаларини бажариб яна гол уришга ваъда бераман”, дейди Фабио Квальярелла.