Хабарингиз бор, бугун «Райо Вальекано» ўз уйида мадридликларни қабул қилади. Жамоа бош мураббийи Пако Хемес ўйин олдидан ўз фикрларини билдириб ўтди:
«Мураббий сифатида мен ўз ўйинчиларимга қаттиқ ҳаракат қилишингиз ва ғалаба қозонишингиз керак деб айта олмайман. Мен уларни яхши ўйнашга ҳаракат қилишларни, чиройли ўйин кўрсатишларни хоҳлайман, холос. Ёмон ўйин қилиб ғалаба қозониш ёқмайди. Бугунги ўйинда футболчиларимни руҳлантириш учун ҳеч нарса айтмайман. Бугун улар дунёнинг энг кучли клубларидан бири билан тўқнашадилар. Шундай экан уларга ортиқча гапирсам, керагидан ортиқ босим ўтказган бўламан.
Истагим шуки, футболчилар жасур бўлиб охиригача курашиб ўйнашсин, нафақат бугунги ўйинда, балки қолганларида ҳам. Рақибимиз ҳақиқатан ҳам кучли, биз фақат Роналду кучли деб уни қўриқлайдиган бўлсак катта хатога йўл қўйган бўламиз. Жамоада кучсиз ўйинчининг ўзи йўқ. Марказий ҳимоячилар Серхио Рамос ва Рафаэль Варан ҳам жуда кучли. Бизга осон бўлмаслиги аниқ».
