Австриялик ярим ҳимоячи Марселб Забитцернинг "Манчестер Юнайтед"га тўлиқ трансфери амалга ошмай қолиши мумкин. Daily Mail нашрига маълум бўлишича, "Бавария" футболчи учун сўраган сумма "қизил иблислар" раҳбариятига тўғри келмайди.
Немис гранди Забитцерни 28 миллион еврога сотишга тайёр. "Манчестер Юнайтед" бу миқдорни жуда юқори деб ҳисобламоқда. Клублар ўртасидаги музокаралар давом этмоқда. Ярим ҳимоячининг ўзи ҳам Премьер-лигада қолишни истайди.
29 ёшли футболчи жорий мавсум Англия Премьер-лигасида 8 та ўйинда майдонга тушиб, битта голли узатмани амалга оширди.
