“Реал” дарвозабони Тибо Куртуа Испания Ла Лигасининг 29-тури доирасидаги “Кадис” устидан қозонилган ғалаба ҳақида гапирди. Учрашув 2:0 ҳисобида “қироллик” клуби фойдасига ҳал бўлди.
"Реал Мадрид" ажойиб ўйин ўтказди. Биз вазиятни назорат қилдик ва ўз вазиятларимиздан фойдаландик. Биз кўпроқ гол уришимиз мумкин эди, лекин умид қиламанки, биз уларни сешанбага қолдирдик. Уларнинг дарвозабони ўйинини таъкидлаш жоиз, айнан у бизга йирик ғалаба қозонишимизга имкон бермади. Бу биз учун яхши ўйин бўлди, жамоа ажойиб формада", - дея бельгиялик дарвозабоннинг сўзларини келтирмоқда Marca нашри.
“Реал Мадрид” навбатдаги Чемпионлар лигасининг чорак финалида “Челси”га қарши майдонга тушади. Учрашув 18 апрел куни Лондонда бўлиб ўтади.
