Суперлига 6-туридан ўрин олган “Олимпик” – “Бухоро” (1:0) учрашувидан сўнг мезбонлар бош мураббийи Тимур Кападзе ўз фикрларини билдириб ўтди.

“Бухоро” қуйи поғоналарда бораётгани сабаб уларда босим бор эди ва шу сабаб бизни қийин учрашув кутиб турганини билар эдик. Қолаверса, рақиб жамоада бош мураббий ҳам алмашган эди. Асосийси, ғалабага эришдик. 10 киши қолганимзда катта босим бўлди ва йигитлар ирода намойиш этишди. Ўйлашимча, қизил карточка бўлмаганида, кўпроқ гол киритишимиз ҳам мумкин эди.

Четлатишлар кўпайиб кетмоқда. Биз бу борада ҳам иш олиб боряпмиз. “Турон” билан ўйин олдидан дисквалификация қилинган футболчиларимиз сони 5 тага етди. Руҳшунос бу масалада футболчилар билан суҳтаб олиб борди. Бугунги вазиятга келадиган бўлсак, футболчига тажриба етишмади, йигитларнинг ёшлиги сабаб уларга совуққонлик етишмаяпти. Ушбу мавсум нафақат бизда, балки, қолган жамоаларда ҳам қизил карточкалар кўпайиб қолди”, – деди Кападзе.