Англиянинг «Лидс» клуби «Барселона» вингери Абде Эззалзули билан боғланди.
21 ёшли футболчи жорий мавсум охиригача «Осасуна»га ижарага берилган. У ёзда «Барселона»га қайтади, аммо унинг Каталония клубидаги келажаги номаълумлигича қолмоқда.
Sport нашри хабарига кўра, «Лидс» марокашлик билан музокараларни бошлаган. Олдинроқ Мадриднинг «Атлетико» клуби ва «Вулверхемптон» ҳам футболчига қизиқиш билдираётгани ҳақида хабар берилганди.
Абде Эззалзулининг «Барселона» билан шартномаси 2026 йилгача мўлжалланган. Transfermarkt футболчини 8 миллион еврога баҳолаган.
